نشارك و نتحاور فى المنتدى ولا كفايه كده؟؟

السلام عليكم
للاسف معنديش وقت اكتب كلام منمق فهقول اللى عايزه على طول

هنفضل لغاية امتى هدفنا نشتم و خلاص؟ هدفنا كل واحد بيدور على تار بايت و يصحيه؟
هدفنا ان اى حد مختلف فى الرأى فهو خاب املنا و خاب ظننا
اى حد ينتقد الاخوان يبقى نقيم على الحد
اى حد مع الاخوان يبقى عايز مصر فى عصور الجاهليه

ليه كل حاجه ليس بها نقاش و فيها شتيمه فى الاخر

ليه واحد كاتب مقاله مش عاجبه حاجاه يبقى هو مختلف ويستحق الشنق و القتل كمان

ليه مانقدرش نختلف من غير ما نصبغ على الاخرين من الصفات من اول الكلب لغاه الصفيق

ليه مافيش حد يفكر ان كل الناس ديه حتى المختلفين بيدوروا على مصالح و المصالح تتلاقى و ده الف به عمل سياسى ليه بيعاملوا السياسه بالدين و الدين بالسياسه؟؟

ليه واحد بيدافع عن الاخوان و عن الحكم الاسلامى مثلا بيشتم بأقذع الالفاظ من ينقد الحكم الاسلامى!!

كميه مفارقات عجيبه

كمان مستوى الكلام العام بقى مقزز اى موضوع يحتمل اختلاف فى وجهات النظر الناس تشتم على طول

المشكله ان الشتايم ديه زمان كانت ممنوعه و مره واحد بقى كله ممكن يشتم اى حد باسلوب بايخ و مستفز
و التطاول بين الاعضاء بقى مقزز و يدعو للرثاء


ليه مايبقاش الدين هو اخلاقك و انت بتمارس السياسه؟؟؟ ليه ماتدافعش عن الدين انك تمارسه و اشوفك على خلق بدل ماشوفك موتور و عمال تشتم كل مختلف فى الرأى مقاله عضو فيديو اى حاجه فى السكه!!!

الناس كلها بتتكلم فى الدين و تدافع عن الماده التانيهّ ليه مش بشوف التدين ده فى التعامل ؟؟؟؟ فى التعليق؟؟ فى الكلام؟ و توجيه بعض بالحسنى؟؟ ليه بنرفز و نستفز بعض ما اللى عنده رأى يقوله من غير غلط فى التانى

ليه مش بشوف الناس بتلتمس العذر لبعضها!! ليه مش بشوف الناس حريصه ان هيه توضح اسباب الخلاف اكتر من ان هيه تهاجم و خلاص !!!

بجد الاجتماعى بقى مستفز جدا

و انا مش عارف ازاى ممكن يرجع زى الاول بس فعلا احنا تقهقرنا كتير الفتره اللى فاتت
انا كل يوم بفكر كذا مره ابطل اكتب او اعلق و بعدين الواحد يقول ازاى يسيب بيته


ربنا يستر على الايام اللى جايه

انا بس اللى مهتم بالكلام ده ولا غلط ولا انا اللى مش عارف بيحصل ايه ومتضايق على الفاضى؟

انا كنت موقوف تلات اسابيع تقريبا

وكان في مواضيع معينه اما اقراها كنت بحمد ربنا اني موقوف

دلوقت المفروض نفهم ان البلد متجهه للديموقراطيه

دور كل واحد في الوقت الحالي

انه يسمع لاراء الخبراء الثقه ويحلل كلامهم ويحاول يبني راي علي هذا الاساس

والاحتكام في الاخر لصناديق الاقتراع

A.Yakout

اقتباس:

---

المشاركة الأصلية كتبت بواسطة nabaster

انا كنت موقوف تلات اسابيع تقريبا

وكان في مواضيع معينه اما اقراها كنت بحمد ربنا اني موقوف

دلوقت المفروض نفهم ان البلد متجهه للديموقراطيه

دور كل واحد في الوقت الحالي

انه يسمع لاراء الخبراء الثقه ويحلل كلامهم ويحاول يبني راي علي هذا الاساس

والاحتكام في الاخر لصناديق الاقتراع

a.yakout

---

يا احمد المشكله مش فى كده
المشكله فى احنا مع بعض

انا شايفة انه كفاية كدة فعلا

انا لسة مشتركة فى المنتدى النهاردة ده بعد الحاح واحدة صاحبتى انه منتدى رائع وفعلا رائع لكن فى اراء بعض الاشخاص ارى انها تدعوا للفتنه ليس الا

وكمان بعض الاشخاص تجبر الاخرين انهم يقولوا نفس رايهم

مثال: موضوع التعديلات الدستورية ( فيه ناس مصممة انها تجبر باقى الاعضاء انهم يقولوا نعم )

خصوصا موضوع المادة الثانية يعنى انا شايفة انه محدش يقدر يلغيها او حتى يقدر يعدلها لكن يوجد اشخاص متاكدة تماما انه يوجد طرف اخر يريد تغير هذه المادة مش عارفة على اى اساس بيقولوا كدة لكن انا شايفة ان الثورة محتاجة بجد تغير كل واحد فينا عنده مشكلة فى شخصيته

مع ان كل واحدة حرة فى رائيها

اقتباس:

---

المشاركة الأصلية كتبت بواسطة human12

يا احمد المشكله مش فى كده
المشكله فى احنا مع بعض

---

فاهم حضرتك يا طارق باشا

ما لو كل واحد طبق الكلام الي انا قلته فوق

وبطلنا اسلوب فرض الراي بالقوه

مش هيبقي في اي مشاكل

لاكن احنا كل واحد فينا لازم وبالعافيه يخلي الطرف الاخر يقول امييييييييييييييييييييييي يييييييييييييييييين

انا خلاص يا عم الحاج امنت بكلامك

وانتا صح وانتا زي الفل وانا غلطان وووووووو

ده مش صح

كل واحد حر في رأيه وحر في معتقداته طالما مش بيضرني

ياريت الناس تفهم ده

ونحاول نستأصل الورم السرطاني الي كان بينهش فينا بقاله 30 سنه والي كان بيغزيه النظام السابق

A.Yakout

المشكله مش فى فرض الرأى
انا ممكن افضل احاورك لغاية ما تزهق بس مانقولس على بعض ونشتم بعض ونشتم اى حد وخلاص
ونشكك فى نوايا كل واحد
لو انا مسيحى يبقى عايزاسيل الماده التانيه
ولو ضد الاخوان ابقى اعمى او علمانى
ولو مع الاخوان يبقى بعت القضيه ومش شايف اللى بيحصل منهم

كل حاجه ليها قائمة اتهامات وراها
ده متعب وكمان احنا بقبنا بنتناقش الميه بتتشرب ولا بندخنها

بديهيات اصبحت امور للمناقشه

احنا لسة في سنة اولى حرية يا طارق
ده طبيعي
وبعدين مش كله خناق
فيه مناقشات محترمة وبناءة وبتبقى مفيدة لكل الاطراف
اعمل زيي
لما بالاقي النقاش بقي شجار ...... بخخخخخخخخخخخخ
بامشي من نفسي قبل ما افقد اعصابي

طارق باشا

متنساش ان السواد الاعظم من الشعب المصري حاليا

الي انا وانتا منهم

عمره ما داق طعم الحريه الي شايفينها دلوقت

الشعب عايش في صدمه ولسا مش مصدق نفسه

معقوله هختار حد؟؟؟

معقوله صوتي هيبقي له قيمه

معقوله مش هيبقي في تزوير

اخيرا هحاول اختار من بين مرشحين و كل واحد له افكار

وانا المفروض احاول اختار ما بين الافكار دي

التجربه الي عايشينها دلوقت محصلتش في تاريخ الشعب المصري كله

استفتاء دستوي

وانتخابات مجلس شعب نزيهه (مكناش نحلم بربعها)

وانتخابات رئاسه نزيهه (متهيالي لو كانت جات في حلم حد فينا كان اتجرجر من قفا اهله علي امن الدوله)

لازم نقدر كل الظروف دي

الناس اول مره تتناقش بحريه

اول مره يبقي الواحد بيتكلم ومش بيبص وراه

انتا نفسك يا طارق باشا اكيد فاكر الي كان بيحصل معاك هنا من ادارة المنتدي والقاعده المشهوره الي كنت متخصص في كسرها:)

الناس كانت مكبوته واخيرا اتكلمت

الناس عامله دلوقت زي الاعصار الي هياكل اي حد يقف في طريقه

الناس الفاهمه المفروض تسيب الاعصار ده لما يهدا

والشعب يفوق من الصدمه الي عايش فيها ويبقي جو الديموقراطيه بالنسباله زي الاكل والشرب

ساعتها الميزان هيتعدل

A.Yakout

اقتباس:

---

المشاركة الأصلية كتبت بواسطة aif

احنا لسة في سنة اولى حرية يا طارق
ده طبيعي
وبعدين مش كله خناق
فيه مناقشات محترمة وبناءة وبتبقى مفيدة لكل الاطراف
اعمل زيي
لما بالاقي النقاش بقي شجار ...... بخخخخخخخخخخخخ
بامشي من نفسي قبل ما افقد اعصابي

---

كلام حضرتك صح و لا ننسى ان كبت السنين كنا متعودين نطلعه فى بعض
بس المشكلة الاكبر و اللى ممكن تودينا فى طريق الله و حده اعلم به و هو موضوع ادخال الدين ف لعبة السياسة و زى ما احنا شافين اصبح قول نعم للتعديلات الدستورية دفاع عن الدين الاسلامى ضد الاقباط
بالله عليكم نتكلم فى تعديلات دستورية ليس فيها ما يختص بالدين و الامر كله سياسة فما علاقة الدين و كيف انزل بمرتبته الى دناءة السياسة و العابها
و كما ان هناك قساوسة متشددين هناك ايضا مشايخ مثلهم و لكن واجبنا احكام العقل و زرع المودة بين ابناء الوطن الواحد و الا وقعنا فى الهاوية
لابد ان نتعلم ان نتناقش الحجة بالحجة دون النظر للدين او المستوى الاجتماعى او العمرى و ما يحدث الان من تصنيفات لهو امر غريب و اذا كانت الديموقراطية لا تناسبنا فعلينا البحث عن ديكتاتور من الان

اقتباس:

---

المشاركة الأصلية كتبت بواسطة ahmedjumpo

كلام حضرتك صح و لا ننسى ان كبت السنين كنا متعودين نطلعه فى بعض
بس المشكلة الاكبر و اللى ممكن تودينا فى طريق الله و حده اعلم به و هو موضوع ادخال الدين ف لعبة السياسة و زى ما احنا شافين اصبح قول نعم للتعديلات الدستورية دفاع عن الدين الاسلامى ضد الاقباط
بالله عليكم نتكلم فى تعديلات دستورية ليس فيها ما يختص بالدين و الامر كله سياسة فما علاقة الدين و كيف انزل بمرتبته الى دناءة السياسة و العابها
و كما ان هناك قساوسة متشددين هناك ايضا مشايخ مثلهم و لكن واجبنا احكام العقل و زرع المودة بين ابناء الوطن الواحد و الا وقعنا فى الهاوية
لابد ان نتعلم ان نتناقش الحجة بالحجة دون النظر للدين او المستوى الاجتماعى او العمرى و ما يحدث الان من تصنيفات لهو امر غريب و اذا كانت الديموقراطية لا تناسبنا فعلينا البحث عن ديكتاتور من الان

---

مش لازم يكون الدين هو الوازع
طيب البرادعي مسلم وبيقول لأ زي الكنيسة
وناس كتير وطنيين بيقولو نعم برغم ان الحزب الوطني قال نعم
وكتير من الاقباط رؤيتهم السياسية بتقول نعم برغم رفض الكنيسة
انا من الناس اللي بتقول نعم من قبل اعلان الكنيسة بأيام
وزوجتي مصممة تقول لا ..... مع انها مسلمة :U_thin1[1]:
...
..
انا كنت افضل ان الكنيسة لا تعلن عن موقفها وتبقى على الحياد وتترك كل واحد يقول رأيه السياسي بعيدا عن الدين
زي الازهر ما عمل
الاخوان مش بيمثلو كل المسلمين ولا السلفيين كمان
الممثل الرسمي الشرعي للدين الاسلامي هو الازهر
والازهر ترك الامر لكل واحد ورأيه السياسي
كدة افضل لعدم الخلط

عندك حق
الاجتماعي كان مميز ..دلوقتي :((

طارق باشا تقريبا دي صفات جينية فينا احنا المصريين
مش بس في المنتدى
اي اتنين بيتناقشوا في اي موضوع كل واحد شايف رأيه بس صح
شوية تلاقي الصوت ارتفع والناس اتعصبت على بعضها
في المنتدى الشتيمة من وراء الشاشة اسهل
صعب اوي علينا كلمة انا اسف حتى لو متأكد اني غلطان

شكرا لكم جميعا
الحاج احمد - نابستر - ahmedjumpo - casperinoo- و نور القمر و yoyoys

اراء حضراتك بتقول
يعنى باختصار الوضع يفضل زى ماهو و الواحد يبخخخ اول ما يشوف كلام مش عاجبه!!
اللى مستغربله ان احنا كنا بنتناقش زمان برضه بحده شديده و كمان لغه ساخره و مكانش المشاكل بالمنظر ده
فاكرين اى موضوع كوره ولا سياسه زمان او حتى دين - الناش تقريبا بتقطع فى بعض و قليل لما كان يحصل وقف او اللون الاحمر يتدخل و لما بيتدخل بيتدخل عشان يعيد موضوع لمساره

دلوقتى الوضع غريب جدا - و لازم المشرفين يدتخلوا اكتر فى رأيى المتواضع نرجع زى زمان مافيش شخصنه مافيش شتيمه
فكره تناطح فكره حجه ضد حجه
بس صعب جدا نكمل فى الوضع اللى احنا فيه ده